Unai Villena

Ibilbideak

Garapenerako lankidetzarekin eta gizarte eraldaketarako hezkuntzan hasi zen Mugarik Gabeko Ingeniaritzako boluntario gisa, Industria Ingeniaritza ikasten ari zela, 2000ko hamarkadaren hasieran. Karrera amaitu ondoren, energia berriztagarrien sektorean lan egin zuen hainbat urtez, harik eta unibertsitatera itzuli zen arte, Globalizazioa eta Garapena Masterra egiteko (2010/2011). Harrezkero, ikertzaile kontratatu gisa lan egin du UPV/EHUn (Hegoa institutuko Lankidetza Politiken Azterketa eta Ebaluazioari buruzko Ikerketa Taldeari lotuta), aholkulari independente gisa hainbat GGKErentzat gizarte eraldaketarako hezkuntza proiektuen esparruan ebaluazio lan puntualak eginez, eta hezkuntza teknikari gisa Hegoa Institutuan, Mugarik Gabeko Ingeniaritzan eta Sorkin, jakintzen iraultegian (haren kide da 2016an sortu zenetik).

2019az geroztik, UPV/EHUko Ingeniaritza Elektrikoa Saileko irakaslea da, eta gradu eskolak ematen ditu Bilboko Ingeniaritza Eskolan. 2020/2021 ikasturtetik, Globalizazioa eta Garapena Masterrean eta Nazioarteko Lankidetza eta Hezkuntza Emantzipatzailea online Masterrean ere parte hartzen du irakasle gisa. Garapenari buruzko Ikasketetan doktorea da. Ikerketari dagokionez, gaur egun Hegoa Institutuaren Nazioarteko Lankidetza eta Garapenerako Politiken Koherentziari buruzko Ikertaldeko kide da, eta trantsizio energetikoarekin, pobrezia energetikoarekin eta politika publikoen ebaluazioarekin lotutako proiektuetan ere parte hartzen du.

Gaiak

Ebaluazioa, Hezkuntza emantzipatzailea, Hezkidetza, STEAM hezkuntza, Eraldaketa ekosozialerako teknologiak, Trantsizio energetikoa, Pobrezia energetikoa, Lankidetza politiken koherentzia, Lankidetza deszentralizatua, Gardentasuna.