Dokumentazio Zentroa (CDOC)

Hegoa Institutuaren Dokumentazio Zentroa (CDOC) garapeneko eta nazioarteko lankidetzako gaietan espezializatutako informazio eta dokumentazio zerbitzuak eskaintzen dituen gunea da. Baliabide asko ditu eta horietako bat da Liburutegi Digitala, 21.000 erregistro bibliografiko baino gehiago dituena.

Dokumentazio Zentroa (CDOC) 1988. urtean sortu zen eta harrezkero bildu ditu garapenari eta nazioarteko lankidetzari buruzko analisien eta eztabaiden ekarpenik garrantzitsuenak. CDOCaren baliabideek ahalbidetu dute Hegoa Institutuaren prestakuntza programak eta lantaldeen ikerketa espezializatuak, baita Institutuak landutako gaien hedapena ere, bultzatzea, bai eremu akademikoan, bai gizarte-eragile garrantzitsuetan.

CDOCaren zerbitzuak informazioaren eta dokumentazioaren teknologia berriek eragindako aldaketetara egokitzen joan dira, horietako gehienak formatu digitalean eskainiz. Liburutegi Digitalak, adibidez, ez ditu PDF moduan deskarga daitezkeen artxiboak bakarrik (libreki eskura daitezkeenak), baizik eta erregistro guztiak gaizka sailkatuta ere eskaintzen ditu, edukiaren analisiaren arabera eta CDOC bertan egindako gaien tasauro baten laguntzarekin.

CDOCa Hegoa Institutuaren irakaskuntza eta ikerketa garapenean funtsezko pieza izan da, baita Euskal Autonomia Erkidegoko nazioarteko lankidetzaren arloaren osaketan ere. Horrez gain, Estatu zein nazioarteko mailan hedapen garrantzitsua dauka eta gaztelaniaz baliabideak eskaintzen dituen lehen mailako zentro bihurtu da.