Nazioarteko Lankidetza eta Garapenari
Buruzko Ikasketa Institutua

Gatazkak, bakea eta segurtasuna

Gatazka armatuen eta bakea eraikitzeko prozesuen ondorioak hainbat ikuspegitatik aztertzen ditugu.

Gatazkak, bakea eta segurtasuna

Gatazka armatuen eta bakea eraikitzeko prozesuen ondorioak hainbat ikuspegitatik aztertzen ditugu.

Gatazka armatuak eta segurtasunik ezak, zentzu zabalean, eskubide funtsezkoenen erabilera eragozten dute, eta askotariko indarkeriak sortzen dituzte; indarkeria horien inpaktuek, gainera, denbora luzez irauten dute, eta pertsona zein herrien bizi- eta garapen-aukerak mugatzen dituzte. Lan-arlo honetan, bake eta segurtasunari buruzko azterlan kritikoak hartzen ditugu abiapuntutzat inpaktu horiek aztertzeko; halaber, kontuan hartu ditugu bakea eraikitzeko ekimen batzuk, nazioarteko lankidetzak eta emakumeen, indigenen, giza eskubideen eta erresistentzia zibil ez-biolentoaren mugimenduek bultzatuak.

Ikerketa ildoak

Feminismoa, gatazka eta bakea

Gatazka armatuei eta bakearen eraikuntzari buruzko azterketa feminista hartzen dugu ardatz nagusitzat, ikuspuntu teoriko eta praktiko batetik, zenbait herrialdetako azterketen bidez (Guatemala, El Salvador, Mendebaldeko Sahara, Colombia, Kongoko ED…) eta generoaren, intersekzionalitatearen eta maskulinitateen ikuspegia kontuan hartuz.

Bakearen eraikuntza, nazioarteko lankidetza eta ekintza humanitarioa

Besteak beste, honako alderdi hauek aztertzen ditugu: gatazka armatuak krisi humanitarioen eragile gisa; nazioarteko lankidetza eta ekintza humanitarioa, bakea eraikitzera zuzenduta; bakearen eraikuntzari buruzko azterlan kritikoak; eta erresistentzia zibil ez-biolentoaren eta bakearen eraikuntzaren arteko loturak.

Trantsiziozko justizia, memoria eta giza eskubideak

Trantsiziozko justizia aztertzen dugu, bakearen eraikuntzaren dimentsiotzat hartuta, eta memoria historikoaren berreskurapenari eta egia, justizia eta erreparaziorako eskubideei buruzko ikerketak egiten ditugu, generoaren eta giza eskubideen ikuspegietatik.

Giza segurtasuna eta segurtasunari buruzko ikasketa kritikoak

Segurtasunari buruzko ikusmolde tradizionaletik urruntzen diren korronte alternatiboengatik interesatzen gara, batez ere giza segurtasunari dagokionez, giza garapenari lotutako ikuspegi gisa; halaber, segurtasunari buruzko ikasketa kritikoak ere interesatzen zaizkigu (ekarpen feministak, postestrukturalistak, dekolonialak, teoria berdearenak…).

Giza eskubideak Mendebaldeko Saharan

Marokok okupatutako Mendebaldeko Saharan giza eskubideen urraketak ikertzen ditugu, genero-ikuspegitik, giza eskubideen defendatzaile sahararrekin batera. Prestakuntza eta laguntza teknikoa eskeintzen dugu erakunde sahararren gaitasunak indartzeko asmoarekin, eurek giza eskubideen arloko ikerketak abiatu eta nazioarteko babes-mekanismoen aurrean eragite-prozesuei aurre egiteko.

Taldea

Jokin Alberdi
Irakasle ikerlaria
Efren Areskurrinaga
Irakasle ikerlaria
Sheida Besozzi
Ikerlaria
Eduardo Bidaurratzaga
Irakasle ikerlaria
Anca Cretu
Ikerlaria formakuntzan
Marian Díez
Presidentea
Gloria Guzmán
Proiektuen kudeaketa eta aholkulartiza zerbitzuak
Yolanda Jubeto
Irakasle ikerlaria
Mertxe Larrañaga
Irakasle ikerlaria
Irantzu Mendia Azkue
Zuzendaria, Hegoa Institutua
Itziar Mujika
Hegoa Institutuko Idazkaria
Rakel Oion
Irakasle ikerlaria
Karlos Pérez de Armiño
Irakasle ikerlaria
Ivana Belén Ruiz-Estramil
Irakasle ikerlaria, Hegoa Institutua
Yuliya Serkezyuk
Ikerlaria formakuntzan
Juan Telleria
Irakasle ikerlaria
Patxi Zabalo
Irakasle ikerlaria
iker zirion
Irakasle ikerlaria

Ekitaldiak

Proiektuak