Irantzu Mendia Azkue

Ibilbidea

UPV/EHUko Soziologia eta Gizarte Langintza Saileko irakasle agregatua, Lan Harreman eta Gizarte Langintza Fakultateko Araba Atalean (Vitoria-Gasteiz) atxikia. Soziologian lizentziatua (1998), Nazioarteko Ekintza Humanitarioan graduondokoa (1999) eta Gatazken Ebazpenean graduondokoa (2003), eta Garapenari buruzko Ikasketetan doktorea UPV/EHUn (2013), nazioarteko tesi honekin: Construcción de la paz posconflicto: divergencias entre las organizaciones de mujeres y la cooperación internacional en El Salvador y Bosnia-Herzegovina. Gizarte Langintzako Graduan irakasten du, honako irakasgai hauetan: Komunitaterako Gizarte Langintza (3. maila), Gizarte Proiektuen Diseinua eta Ebaluazioa (3. maila) eta Curriculum Praktikak (4. maila). UPV/EHUko Hegoa Nazioarteko Lankidetza eta Garapenari buruzko Ikerketa Institutuko ikertzailea da, eta euskal unibertsitate-sistemako (IT1037-16) Giza Segurtasunari, Tokiko Giza Garapenari eta Nazioarteko Lankidetzari buruzko ikertaldeko (2016-2021) kidea da.

Hegoa Institutuaren zuzendaria da 2021eko urtarriletik.

Gaiak

Feminismoak, Gatazka armatuak, Bakegintza, Justizia trantsizionala, Konponketa, Giza eskubideak, Biktimak, Sexu-indarkeria, Generoa, Emakumea eta Garapena, Berdintasuna, Euskadi, El Salvador, Bosnia-Herzegovina, Guatemala, Kolonbia, Mendebaldeko Sahara