Ertainamerikako erbesteak demokraziaren aldeko borrokari egindako ekarpenari buruzko ikerketaren aurkezpena

Datorren ekainaren 18an “Ertamerikako erbestearen profila eta demokraziaren aldeko horren ekarpena: potentzialitateak, mugak eta dilemak” ikerketa aurkeztuko da. Ikerketa honen helburu nagusia Ertamerikakoerbestea eragile politiko garrantzitsu bihurtzen lagunduko duen informazioa ematea da.

Aurkezpena lanaren ikertzaile nagusiaren eskutik emango da: Alex Segovia, ekonomilaria,  Red Académica Iniciativa Centroamérica (RED ICA)koordinatzailea eta Universidad de Loyola Andalucía (Fundación ETEA) irakaslea.

Ekitaldian parte hartuko dute, halaber, Ainhoa Zugasti Bilbaok, Eusko Jaurlaritzako Giza Eskubideen eta Biktimen Arretarako zuzendariak; Irantzu Mendia Azkuek, Hegoa Institutuko (EHU) zuzendariak, eta Rudy Joyak, Euskal Herriko Salvadortar Batzordeko Kuska Sareko kideak.

Giza eskubideen alorrean interesa duen jendearentzat irekita egongo den jarduera, ekainaren 18an burutuko da, 17:00etan, Zubiria Etxeko Gradu Aretoan (Sarriko, Bilbo).

Ekintza hau Hegoak (EHU) eta Kuska Sareak antolatu dute, Eusko Jaurlaritzaren Giza Eskubideen eta Biktimei Laguntzeko Zuzendaritzaren laguntzarekin.

Informazio gehiago jardueraren programan.

-