"Del otro lado. Diario de un secuestro" filmaren aurkezpena eta proiekzioa

Del otro lado. Diario de un secuestro Iván Guarnizok zuzendu eta Jorge Caballerok ekoitzitako filma da. Kolonbiako gatazkari buruzko narratiba aldatzea proposatzen du, adiskidetzea muinean jarriz.

Film honek, zuzendariak berak azaltzen duenez, ulertu nahi du “herrialdearen historiak ez duela zertan izan bi bandoren historia, talde armatuen arteko liskarra edo beren sinesmenak indarkeriara eramaten dituzten pertsonen arteko gatazka ideologikoa”. Era berean, pentsarazten digu "beste Kolonbia bat posible ote den, hainbat eragilek sortutako minak eta bidegabekeriak gorabehera".

Jarduera hau Bilbon uztailaren 5ean egingo da, Kolonbiako Egiaren Batzordearen Azken Txostenaren Aurkezpenaren bezperan.