Caucako erakunde komunitarioen plataformaren produkzio-ekimenetarako prestakuntza eta laguntza teknikoa

2024ko ekainaren 3tik 10era Caucara (Kolonbia) bidaia egin zen, non Martín Uriarte, Lezamako Lorra S. Koop-eko  gerenteak eta Carlos Puigek (Hegoa)  parte hartu zuten tokian tokiko enpresen lidergoekin gizarte eta ekoizpen ekimenen kudeaketari, plangintzari eta interkooperazioari  buruzko diplomatura batean,  testuingurua kontuan hartuta.

Horretarako, aldez aurretik eta hiru egunez, babesten diren hainbat esperientzia bisitatu ziren, hala nola, Cecoespe (Timbío udalerria) bake sinatzaileen kafe-kooperatiba, Pueblo Nuevoko Kabildo indigena eta bere baratze-estrategia, Un Grano para la Paz elkartearen kafea dastatzeko laborategia Laguna Siberian, Nasa Gurmet jatetxea, Amegpaz emakume-elkartea buru duena (hirurak Caldono udalerriko ekimenak dira), eta Toribío eta Cabildo de Tacueyó udalerrietako Nasa proiektuko esneki eta barazki deribatuen hainbat ekoizpen-proiektu.

Prestakuntza eta laguntza tekniko hori "Caucan bakea lortzeko lurraldean bergizarteratzea eta interkooperazioa ikuspegi diferentziala duen sareko produkzio-gaitasunak indartuz. II. Fasea ". Proiektu hau eLankidetzak finantzatzen du, eta Hegoa Institutuaz gain, Kolonbiako beste erakunde batzuk ere inplikatzen ditu, hala nola Caliko Javeriana Unibertsitateko Kultura Arteko Ikasketen Institutua eta Corporación Ensayos. Baita ere Lorra bezalako euskal erakundeak, nekazaritza eta abeltzaintzako euskal esperientzian oinarrituta.

Proiektuaren helburua da Caucako erakunde komunitarioen plataformak, partaide diren erakunde horiei eta beste hainbati, proiektuak, prestakuntza-zerbitzuak eta laguntza teknikoa emateko sortutako erakunde gisa, beraien gaitasunak indartzea.

Informazio gehiago nahi izanez gero, kontsultatu hemen La intercooperación y comercialización conjunta de las organizaciones de la Plataforma Comunitaria del Cauca. Aportaciones a la reincorporación territorial, la construcción de paz y el desarrollo rural argitalpena eta hemen laburpena.

Argazkiak: