Unai Villalbak, krisi ekosozialari buruz, Naiz Irratian: “Erronka da pentsamendu sistemikoa garatzen jarraitzea”

Data: 2023(e)ko Urtarrilak 30

“¿Kolapsatzen ari garela esan dezakegu?” Galdera honekin hasi zuen Eli Pagolak, Gelditu Makinak (Naiz Irratia) saioko kazetariak, Unai Villalba EHUko Ekonomia Aplikatua saileko irakaslea eta Hegoa Institutuko eta Gezki Institutuko masterretako irakasleari egindako elkarrizketa hau.

“Ez dago erantzun sinple bakar bat, baina horren norabidean goazela bai esan genezakeela”, erantzun zuen Unai Villalbak. Jarraian, krisi ekosozialak planteatzen dituen erronka nagusietako batzuk azaldu zituen, besteak beste, klima-aldaketak, biodibertsitatearen galera, lehengaien garestitzea eta gerrak.

Erronka hauen aurrean, Unai Villalbak pentsamendu sistemiko eta konektatua garatzen jarraitzea irtenbide bat bezala planteatu zuen. Hau da, ez identifikatzea bakarrik unean uneko gai esanguratsu eta konkretuak, baizik eta ulertzea gai guzti horiek lotuta daudela, batzuetan modu agerikoan eta besteetan ez agerikoan.

Esteka honetan elkarrizketa osoa entzun dezakezu.

Elkarrizketa honetan heldutako gaiei dagokienez, honako koaderno hau irakurtzea gomendatzen dugu, Iker Etxanok, Unai Villalbak eta Yeni Garciak koordinatuta: Iraunkortasun ekologikoa (Pentsamendu kritikoak, garapena haratagoko begiradak). Gaztelaniaz edo euskaraz deskargatu dezakezu hemen.