Espainiar estatuko GGKEen Koordinakundeak Europako zenbait gobernuk Palestinako eta Israelgo gizarte zibileko erakundeei finantzazioa eten edo berrikusten dietela ohartarazi du
Europako hainbat estatuk, zehazki Austriak, Danimarkak, Finlandiak, Alemaniak, Suediak eta Suitzak, bai eta Europako Batzordeak ere, Palestinako eta Israelgo gizarte zibileko erakundeei finantzazioa eteteko edo berrikusteko neurriak hartu dituzte, funts publikoak erakunde terroristak finantzatzeko desbideratu izanaren oinarririk gabeko akusazioen ondorioz.
Garapenerako Erakundeen Koordinakundeak Palestinar Herriarekiko Elkartasunaren Nazioarteko Egunean, azaroaren 29an, igorritako adierazpen batean azaldutakoaren arabera, “horrelako erabakiak hartzeak, momentu hauetan, aurrekaririk gabeko muturreko egoera humanitarioa bizi duen biztanleriaren giza eskubideak arrisku handiagoan jartzen ditu”.
Adierazpenaren arabera, orain arte “ez dago ebidentzia sinesgarririk EBren edo Europako Estatuen finantzaketarik talde armatu palestinarrak finantzatzeko bideratu denik”. Are gehiago, urteetan zehar, Palestinako gizarte zibileko erakundeei terrorismoarekin lotura izatea leporatu izan zaie, beren lana eta legitimitatea ahultzeko ahaleginean. Nazioarteko emaileek Palestinako gizarte zibileko erakundeak gertuki aztertu dituzte. Era berean, emaileek emandako laguntza zehatz-mehatz aztertu dute, une oro.
Informazio gehiago:
Lotutako albisteak
