AURKEZPENA

"Insumisas" Film Sozialak - Zinema Ikusezinaren Nazioarteko Jaialdian (Bilbon, urriaren 20, Gasteiz, urriaren 25)

Hurrengo egunetan, Insumisas. Mujeres en lucha en el Sáhara Occidental dokumentala “Film Sozialak” Zinema Ikustezinaren Nazioarteko Jaialdiaren bi saiotan ikusi ahal izango dugu.

Urriaren 20an, ostirala, 17:00etan Bilboko Golem Zinemetan proiektatuko da, beste lau film laburrekin batera: Se van sus naves, Mothertruckers, Berak Baleki eta Nataxik. Asteazkenean, urriak 25, 20:00etan Gasteizko Florida zinemetan ikusi ahal izango da.

Orain arteko ibilbidea eta aurreikusitako beste proiekzio batzuk

Bilbon maiatzaren 4an egindako estreinaldiaren ostean, Insumisas Barcelonan, Berlinen, Guadalajaran, Huescan, Madrilen, Sevillan, Ponferradan, Seixalen (Portugal) eta Sucren (Bolivia) egindako zinemaldietan proiektatu da. Sucre hirian ospatutako giza eskubideei buruzko nazioarteko zinemaldiaren 19. edizioan dokumentalak Ojo Internacional aipamen berezia lortu zuen.

Gainera hainbat erakundek eta instituziok proiekzio independenteak egin dituzte Berlinen, Bilbon, Gasteizen, Palmelan (Portugal), Barilochen, Buenos Airesen eta San Martinen (Argentina).

Azaroan eta abenduan, oraingoz, Badajozeko Villafranca de los Barros herrian, Santanderren, Gironako La Bisbal d’Empordà herrian, Donostian, Ondarroan, Pontevedran, Quiton (Ecuador), Santanderren, Tarragonan, Terrassan, Badajozeko Villafranca de los Barros herrian eta Gasteizen proiekzio independente programatuta daude.

Marokok okupatutako Sahara Mendebaldeko lurraldeetan emakumeek jasandako indarkeriak erregistratzeko eta salatzeko Insumisas filmak giza eskubideen defendatzaile sahararren lana dokumentatzen du. Bortxaketa horien basakeriaren eta metodoen krudelkeriaren aurrean, filmak emakume sahararrek bidegabekeriaren eta ahanzturaren aurkako borroka historikoan izan duten indarra eta tinkotasuna irudikatzen du.

Laura Dauden brasildarrak eta Miguel Angel Herrera kolonbiarrak zuzendutako Insumisas dokumentala Hegoa Institutuak egin du eta Forward Films etxeak produzitu du, Euskal Fondoa – Tokiko Euskal Lankidetza Erakundeen Elkartearen finantziazioarekin.

Informazio gehiago: Insumisas filmaren estreinaldiari buruzko berria Hegoaren webgunean. / Hegoaren (Twitter eta Linkedin) eta Forwarden (Twitter eta Instagram) sare sozialetarako estekak, proiekzioei buruzko informazio eguneratuarekin.

Zinema Ikustezinerako sarrerak: Urriaren 20ko emanaldirako sarrerak Bilboko Golem Alhondiga Zinemetako leihatilan eros daitezke, baina aldez aurretik webgune honetan eskura ditzakezu.