Abian da elikadura osasungarri, jasangarri eta bidezkoari buruzko maleta pedagogikoen ekimena: hezkuntza-eredu eraldatzaile baterako bidean

Justicia Alimentariak eta Hegoak elikadura osasungarri, jasangarri eta bidezkoari buruzko maleta pedagogikoak aurkeztu dituzte; alegia, elikadura-eskubidearekin konprometitutako —gaurko eta biharko— irakasleentzat pentsatutako hezkuntza-baliabideen sorta.

AlimentAcción programa soziohezitzailearen barnean, gure  erakundeak azken urteotan Espainiako Estatuaren zenbait probintziatako fakultateekin elkarlanean jardun dira.  Irakaskuntza-, ikerketa-, gobernantza- eta dinamizazio-ekintzak proposatzen ditugu, komunitateekin eta gizarte-eragileekin lankidetzan. Gune horietan egungo elikadura-ereduak inguruneari, osasunari eta pertsonen eta komunitateen bizi-baldintzei nola eragiten dien aztertzen dugu, ipar eta hego globaletan.

AlimentaAcción sarea gaur egun  "Unibertsitate kritiko eta eraldatzailea. Klima eta gizarte krisiari aurre egiteko ikuspegi ekosozial eta ekofeminista, elikadura eskubidea aldaketaren ardatz izanik." proiektuan ari da lanean. AECIDek (Garapenerako Nazioarteko Lankidetzako Espainiako Agentziak) finantzatzen du proiektua.

Elikadura-burujabetzaren ikuspegiarekin egindako maleta pedagogikoak hezkuntza-kit moldakorrak dira; metodologia eraldatzaileak eta askotariko materialak barne hartzen dituztenak (jolasak, irakurgaiak, fitxak, jarduerak). Maleta hauek, pedagogia kritikoetan oinarrituz, hezkuntza-komunitateari aukera ematen diote hainbat gai lantzeko, esaterako, nekazaritzako elikagaien sistemak edo elikagaien kontsumo arduratsua, modu interaktiboan eta hezkuntzako etapa guztietan.

25. urtearen amaieran, “Dale una huerta al cole” maleta aurkeztu genuen. Diziplinarteko ikaskuntza-egoera sorta bat biltzen du, eskola-baratzean lantzeko direnak, Haur Hezkuntzan eta Lehen Hezkuntzako hiru zikloetan. 2026. urtea hasi berritan, urtarrilean, “Actividades para Educación Infantil” eta “Metodologías educativas para una educación crítica y transformadora” maletak aurkeztu genituen.

Azkenik, 2026ko martxoaren 3an, ekofeminismoei buruzko maleta online aurkeztuko da.

Zalantzarik edo iruzkinik egin nahi izanez gero, idatzi helbide honetara: info@redalimentaccion.org.

Ekimen honi buruzko informazio gehiago hemen duzu: https://redalimentaccion.org/eu/