ESSk Andeetako eskualdean izandako esperientziei eta trantsizio ekosozialerako duen potentzialari buruzko ikerketa-tailerra

Uztailaren 1etik 9ra bitartean, Andeetako lau unibertsitate eta Hegoako (UPV/EHU) irakasleen arteko tailer bat egin zen Bilbon, Boliviako, Kolonbiako, Ekuadorko eta Peruko Ekonomia Sozial eta Solidarioko (ESS) esperientzien trantsizio ekosozialerako ahalmenei buruzko ikerketa bateratuan aurrera egiteko.

Ikerketak aztertu dituen ekimenak honako hemen kokatu dira: Boliviako Chaco (erlezaintza), Peruko Oihan Zentrala (kafe kooperatibak), Pichincha Ekuadorren (Cayambeko emakume ekoizle agroekologikoak eta Quitoko hegoaldeko kontsumo kooperatiba) eta Cauca Kolonbian (FARCeko kide ohien kooperatibak eta NASA kabildo indigenekin aliantza)

Topaketa honetan egindako lana aurrerapauso garrantzitsua izan da beren lurraldeetan trantsizio ekosozialeko prozesuak bultzatu nahi dituzten tokiko erakundeei, gizarte mugimenduei, unibertsitateei, erakundeei eta abarri zuzendutako liburu baten koedizioan.

UPV/EHUko irakasleez eta Hegoako langile teknikoez gain, topaketan parte hartu zuten Andeetako unibertsitate erakundeetako pertsonek: Carlos Acevedo, Caliko Unibertsitate Javerianoko Kultura Arteko Ikasketen Institutukoa; Luis Montoya, Limako San Marcos Unibertsitate Nazionaleko (UNMSM) Gizarte Ekonomia Solidario eta Herrikoiaren Mintegikoa; Cesar Carranza, Ekuadorko Unibertsitate Zentraleko Ekonomia Sozial eta Solidarioaren Ikerketa Taldekoa; eta Jhaquelin Dávalos, Boliviakoa, Hego Amerikako Landa Garapenerako Institutukoa (IPDRS).

Informazio gehiago nahi izanez gero, "ESSko ekosistema lokaletan gaitasunak eta aliantzak indartzea, Andeetako lurraldeetako trantsizio ekosozialetan laguntzeko" proiektuaren fitxa kontsulta dezakezu, eElkarlanak finantzatua.

Argazkiak: