Hegoako eta EHUko master ofizialak irailaren 28an hasiko dira, Gazaren aurrean nazioarteko auzitegiek duten egitekoari buruzko hitzaldiarekin

Datorren irailaren 28an, Hegoako Garapena eta Nazioarteko Lankidetza eta Globalizazioa eta Garapena masterren hogeigarren edizioaren irekiera-ekitaldia egingo da. 

Ekitaldian, Joana Abrisketa Uriartek, Deusto Unibertsitateko Nazioarteko Zuzenbide Publikoko katedradunak eta unibertsitate bereko Pedro Arrupe Giza Eskubideen Institutuko ikertzaileak hitzaldia emango du, “Gaza Nazioarteko Auzitegietan” izenburupean. 

Bere ikerketa-ibilbidea, bereziki, giza eskubideen, ekintza humanitarioaren, migrazioen eta asiloaren, eta nazioarteko erantzukizun penalaren arloetan oinarritu da. Bere ibilbidean zehar, hainbat ikerketa-proiektutan parte hartu du, eta estatuko zein nazioarteko erakunde eta instituzioekin elkarlanean aritu da. 

Azken urteotan, arreta berezia eskaini die Gazako egoeraren ondorio juridikoei eta nazioarteko justiziaren egitekoari. Bere azken lanen artean dago Gaza y la Corte Internacional de Justicia artikulua, 2026an Política Exterior aldizkarian argitaratua; bertan, Hegoafrikak Israelen aurka Nazioarteko Justizia Auzitegian abiatutako prozedura aztertzen du. 

Hitzaldiak, beraz, nazioarteko zuzenbidearen ikuspegitik, Gazako egoeraren aurrean nazioarteko auzitegiek duten egitekoari eta gatazkak planteatzen dituen auzi juridiko nagusietako batzuei hurbiltzeko aukera eskainiko du. 

Jarduera hau batez ere Hegoa eta EHUko masterretako ikasleei zuzenduta dagoen arren, interesa duten guztiek parte har dezakete.

Irailaren 28an izango da, 18:00etan, Bilbon, Sarrikon, Zubiria Etxean (EHU).

Informazio gehiago nahi izanez gero, jarri harremanetan helbide honetan: hegoa.inst.formakuntza@ehu.eus