Andeetako lurraldeetako trantsizio ekosozialei buruzko mintegia (Bilbo, urriak 3)

Urriaren 3an, ostirala, Andeetako lurraldeetako trantsizio ekosozialeko esperientziei buruzko mintegia egingo da. Mintegi honetan kooperatibek, gizarte mugimenduek eta unibertsitateek parte hartuko dute, Bolivia, Kolonbia, Ekuador eta Peruko lurraldeetan trantsizio ekosozialeko prozesuak aurkeztuz, Ekonomia Sozial eta Solidarioaren esperientzietatik abiatuta.

Mintegiak, trantsizio ekosozialen dimentsioak nola zeharkatu eta sustatu erakutsi nahi du: sozio-ekonomikoa, ingurumenarena, sozio-antolakuntzakoa, partaidetza eta gobernantzakoa, generokoa, belaunaldi artekoa eta kulturala.

Parte-hartzaileak:

• Ekuadorretik: Virginia Tipanluiza eta Margarita Quishpe (Consejo de Productoras Agroecológicas del Cantón Cayambe -CPACC), eta Rosa Piedad Quimbia (Fundación - Pichincha)

• Boliviatik: Clelia Palacios (Instituto para el Desarrollo Rural de Sudamérica -IPDRS), eta Corina Limachi eta Lucía Lobo (Asociación de Apicultoras/es del Municipio de Macharetí -AAPIMMACH) (Chaco, Bolivia).

• Perutik: Miguel Quispe eta Gissela Enríquez (Cooperativa Agraria Cafetalera Pangoa (Perú), eta Holy Noemí Rocha (Cooperativa Agraria Cafetalera Satinaki (Selva Central en Junín, Perú).

• Cauca Iparraldetik (Kolonbia): Irene Tenorio (Hilando Territorio Orgánico emakumeen erakundeko kidea); Claudia Patricia Cruz, COOMAMCE kooperatibakoa, eta Yohana Ortiz, COOMEEP kooperatibakoa (bake-sinatzaileen kooperatibak); eta Ana Mile Bermudez (Asociación de Mujeres Afrodescendientes (ASOM).

Mintegi hau "ESSren tokiko ekosistemetan gaitasunak eta aliantzak indartzea, Andeetako eskualdeko lurraldeetako trantsizio ekosozialetan laguntzeko (II. fasea)" proiektuaren barruan dago, eLankidetzak finantzatua eta Hegoa Institutua eta Andeetako herrialde horietako beste unibertsitate-erakunde eta kooperatiba batzuk inplikatzen dituena. Proiektuak lurralde horietako erakunde, kooperatiba eta gizarte-mugimenduen gaitasunak indartzea du helburu.

UPV/EHUren Ekonomia eta Enpresa Fakultateko (Sarriko) gradu-aretoan egingo da jarduera, 16:00etatik 18:00etara. Asistentzia doakoa da, eta ez da aurrez izena eman behar.

Informazio gehiago nahi izanez gero, kontsultatu «ESSren tokiko ekosistemetan gaitasunak eta aliantzak indartzea, eskualde andetarreko lurraldeetako trantsizio ekosozialetan laguntzeko» proiektuaren fitxa.